Já það var laglegt - ÁFRAM ÍSLAND!!!!

Ég verð að segja það að ég er eiginlega búinn að vera bíða eftir því að einhver myndi koma af stað nýrri mótmæla bylgju.  Þetta aðgerðar og áhugaleysi stjórnvalda gengur náttúrulega ekki lengur.  Þau Jóhanna og Steingrímur eru kominn í sama farið og sjálfsæðismenn - gefa ekkert upp og reyna að teyja lopann eins langt og þau komast upp með.  Nú er komið nóg, það hefur nákvæmlega enginn breyting átt sér stað frá stjórnartíð sjálfsæðismanna, bara seinagangurinn endalaust!!!!!  Nú skora ég á alla að mæta fyrir framan alþingishúsið og taka með sér koppana sína og setja þessu ágæta fólki stólinn fyrir dyrnar.  Svo ég vitni nú í Ómar Ragnarsson, þegar hann hafði ennþá hár; ÁFRAM ÍSLAND - UPP MEÐ SOKKANA - INN Á MEÐ ALBERT!!!!! Og það er ekki úr vegi að vitna í Geir H. Haarde;  ,,Guð blessi Ísland".   Það er ljóst að það gerir það enginn annar og alls ekki Jóhanna né Steingrímur.

Og svo vil ég bara vitna aftur í mína fyrstu færslu, hér fyrir neðan, sem á að sjálfsögðu að heita; Stöðnuð Stjórnvöld, en ekki Stöðnun.............þetta var víst smá ásláttarvilla.

 

Boðað til mótmæla á morgun

Athugasemdir

[Valsól (IP-tala skráð) 7.5.2009 kl. 16:02]

Þetta eru Sjálfstæðismenn sem standa á bak við þessa tilkynningu og þeirra von er sú að þessi stjórn hrökklist frá völdum svo þeir geti aftur komist í stólana sína. Ástæðan að þeir boða til mótmælanna klukkan 13 en ekki eftir vinnu er sú að þeir kunna ekki að mótmæla, þetta er ekki hin lýðræðislega búsáhaldabylting sem þarna er á ferðinni.

[Freyr (IP-tala skráð) 7.5.2009 kl. 16:15]

HAHA, heyra í Valsól hérna ... manneskjan sem hafði hæst orð um aðgerðarleysið hér fyrir þessa lömuðu stjórn sem tók við.  Það er vissulega eðlilegt að þú tengir þetta við stjórnmálaflokk, enda var Búsáhaldabyltingin í boði VG, en að tengja þetta við Sjálfstæðisflokkinn er frásinna, enda held ég að þeir séu nú bara fegnir blessaðir að vera á kantinum þegar þetta er allt að fara fjandans til - áhugaverð atferlisrannsókn.

Alveg vissi ég samt að það kæmi að því að Valsól þyrfti að éta ofan í sig orðin stóru sem féllu um seinaganginn og aðgerðarleysið!

[Sigurlaug (IP-tala skráð) 7.5.2009 kl. 16:54]

Nýir tímar eru samtök sem eru óháð, þverpólitísk samtök sem berjast eingöngu fyrir mannréttindum.

Við börðumst fyrir breytingum, að ríkisstjórnin viki sl. haust, Seðlabankastjóri viki, FME viki og að hér á landi yrði skipuð Neyðarstjórn/Utanþingstjórn og óháðir erlendir rannsóknaraðilar yrðu kallaðir til að hjálpa okkur enda hafa flestir erlendir kreppuráðgjafar sbr. Robert Albier bent á það að íslensk stjórnvöld sama hver þau eru myndu eingöngu tefja bráðaaðgerðir vegna málalenginga og hefðu enga reynslu til að taka á jafn miklum vanda sem þjóðin stóð og stendur frammi fyrir.

Valsól - Ríkisstjórnin er að störfum við Stjórnarráðið klukkan 13:00 en þangað er göngunni haldið af Austurvelli sem telst vera skynsamlegt en ekki um helgar þegar að ríkisstjórnin situr heima hjá sér. Ég er einn af forsprökkum Búsáhaldabyltingarinnar, hef staðið fyrr flestum þeirra mótmæla sem voru gerð á opinberum vettvangi, ég er ekki í VG heldur er ég í Borgarahreyfingunni. Vona að þér svelgist ekki á munnvatninu!

Það er nefnilega hægt að mótmæla á Íslandi án þess að vera flokksbundinn......... enn sem komið er!